Sunday, February 27, 2011

Suman sa lihiya

Minsan di masama ang mag-eksperimento. Dahil sa pagka miss ko sa mga pagkaing nabibili sa palengke ay napilitan akong gumawa ng sarili kong pagkain na kinababaliwan ( baliw daw ) na katulad ng "suman" ito ay hindi shinorkut na "super woman" hehehe ang tawag talaga dito ay suman. Ito ay gawa sa kaning malagkit. Marami itong klase pero sa kadahilanan na ako ay naghahanap ng recipe ng suman ako ay nalaglag sa paggawa ng suman sa lihiya. At dahil ako ay matakaw na nanay, abay! ito ay aking sinubukan lutuin sa bahay! Unang hakbang : Maghanda ng 2 dalawang tasang tubig, 1 1/2 tasang Bigas na malagkit, dahon ng saging ( kainin ang saging kung me kasamang saging hehehe ) panali, isang kutsaritang lihiya ( lye water ang tubig na sinungaling hehehe ) - kapag wala kayo nito ang suman ay hindi kukunat at ito din ay nakakapagpadagdag sa kulay. Paano ang paggawa? alors, ibabad ang bigas na malagkit sa tubig ng ilang oras, pagkatapos ito ay tilain, ihalo ang isang kutsaritang lihiya at pagkatapos ito ay balutin sa dahon ng saging depende sa laki na ninanais ( isang kutsara ang aking ginawang pantakal ). Ito ay aking inisteam ng 45 minuto sa aking dependable na bamboo steamer. At dahil ito ay unang pagsubok sa paggawa ng suman sa lihiya abay, akoy napagod kakabalot at kakatali kaya ang sinubukan ko lang na gawin at ibalot sa dahon ng saging ay iilan lang kaya ito ang naging ending ng aking eksperimento :)
1. Una, inilagay ko sa maliliit na lalagyan at niluto sa gitnang posisyon ng steamer.
                        kinalabasan: ito ay nakain dahil luto pero medyo tuyot ang ibabaw
2. Pangalawa, inilagay ko sa malaking bilog na lalagyanan at ipinosisyon sa pinakaibabaw ng steamer.
     kinalabasan: ito ay hindi nakain at aking itinapon dahil hilaw at pagkatigas-tigas
3. Pangatlo, ang ibinalot sa dahon ng saging mula sa aking mega effort na inilagay sa unang istiman.
                             resulta: perpekto! ito ay talagang suman sa lihiya wooohooooo
                     binalatan ko ang dalawang piraso at sobra akong excited na tikman
         dyaran! ito ay aking binudburan ng muscovado sugar na mula pa sa pilipinas
Tsibugan time : Hindi ko ito ipinakain sa aking unica hija dahil aking napag alaman na ang ginamit kong lye water na binili mula sa isang filipinong tindahan dito sa paris ay expired na hellloooo nakalagay sa bote 2010 pero ito ay tinakpan ng maliit na papel na label at sa katotohanan lang ang totoong petsa ay january 2006. Ako ay nawindang dahil baka kame ay ma food poison dahil lng sa kagustuhang kumain ng suman. Naalala ko itong isang bote kong lye water ay huling ginamit ng ako ay gumawa ng pichi-pichi
Aral : Siguraduhing hindi pa expired ang anumang produkto na gagamitin lalo na sa pagkain. Maging maingat!
at ang huli, wag nang bumili sa hindi pinagkakatiwalaang tindaan na walang alam kundi manloko ng kapwa basta lang kumita. Ako naman ay hindi nagagalit. Basta ang masasabi ko lang masarap ang suman ko sa lihiya bow! :)

No comments: